Çështja Balluku, SPAK kërkesë Kuvendit: Mbledhja të zhvillohet me dyer të mbyllura

Prokurori i SPAK, Dritan Prençi i ka kërkuar Kuvendit që mbledhja e Këshillit për Rregulloren, Mandatet dhe Imunitetin për heqjen e imunitetit të Belinda Ballukut të zhvillohet me dyer të mbyllura.

Burime bëjnë me dije se përveç prokurorit të çështjes Dritan Prençi, në këtë seancë pritet të jetë i pranishëm edhe kreu i ri i SPAK, Klodian Braho, si dhe prokurorja Dorina Bejko.

“KËRKOJ: 1. Dhënia e autorizimit nga Kuvendi i Republikës së Shqipërisë, për arrestimin/heqjen e lirisë, nëpërmjet zëvendësimit të masës së sigurimit nga ajo e “Ndalimit të daljes jashtë shtetit e parashikuar nga neni 233 i K.Pr. Penale dhe “Pezullimit të ushtrimit të një detyre a shërbimi publik”, e parashikuar nga neni 242 i K.Pr.Penale, në atë të arrest në burg në shtëpi, të deputetit/ministrit/zëvendëskryeministrit Belinda BALLUKU.

2. Shqyrtimin e kësaj kërkese, në çdo procedurë që do të zhvillohet nga Kuvendi i Republikës së Shqipërisë. Këshilli për Rregulloren, Mandatet dhe Imunitetin, në seancë me dyer të mbyllura, për shkak të ruajtjes së sekretit hetimor, pasur parasysh se hetimi i procedimit penal nr.136 të vitit 2025 ka si objekt edhe fakte të tjera penale dhe persona te tjerë të implikuar në ndodhjen e këtyre fakteve”, shkruhet në kërkesë.

LEXONI GJITHASHTU:

• SHBA sanksionon 2 gjyqtarët e Gjykatës Ndërkombëtare Penale për hetimin e Izraelit
• Dita e parë si kreu i SPAK, Braho bashkë me Prençin nesër në Kuvend për Ballukun