Dita botërore kundër HIV/AIDS, europianet zbulojnë se janë pozitivë tre vite pasi infektohen

Europa ka bërë përparim në përpjekje për të eleminuar HIV/AIDS deri në vitin 2030, por diagnostikimi i vonë i tij mbetet një problem i rëndësishëm.

Të dhënat e publikuara  për të shënuar Ditën Botërore kundër  AIDS–it sot më 1 Dhjetor treguan se diagnozat e reja në BE dhe Zona Ekonomike Europiane kishin rënë me 9% që nga viti 2010.

Rastet e AIDS–it ranë me gati një të katërtën në të njëjtën periudhë. Pjesa më e madhe e rasteve të reja po shfaqen në vendet e Evropës Lindore, veçanërisht në Rusi dhe Ukrainë.

Ndërkaq, Qendra Evropiane për Parandalimin dhe Kontrollin e Sëmundjeve  tha se numri i rasteve të diagnostikuara me HIV po rritet.  Sipas të dhënave mund të duhen tre vjet që një europian  i infektuar me HIV të diagnostikohet.

Sëmundja e Sidës filloi të përhapet nëpër botë katër dekada më parë dhe vrau miliona njerëz në vitet 1980 dhe 1990.

Virusi dëmton qelizat në sistemin imunitar, duke dobësuar aftësinë e njerëzve për të luftuar infeksionet e përditshme. Ende nuk ka shërim për HIV, por trajtimet janë jashtëzakonisht të efektshme duke lejuar që shumica e njerëzve te infektuar të kenë një jetë të shëndetshme.