Dita e Demokracisë, Ambasada e SHBA: Fokus te impakti i inteligjencës artificiale

Në ditën ndërkombëtare të demokracisë, ambasada e SHBA në Shqipëri ka shpërndarë një mesazh, ku thekson sfidat e reja që kanë sistemet demokratike në gjithë botën.

Sipas ambasadës amerikane në vitin e fundit një rol të ri ka marrë inteligjenca artificiale në qeverisje.

“Ndërsa IA mund të rrisë pjesëmarrjen dhe barazinë, ajo gjithashtu paraqet rreziqe si dezinformimi dhe gjuha e urrejtjes. Qeverisja efektive e IA është thelbësore për të siguruar përfitimet e saj për të gjithë”, në mesazhin e shpërndarë nga selia diplomatike amerikane në Tiranë.

Dita Ndërkombëtare e Demokracisë thekson nevojën për të mbrojtur fjalën e lirë, liritë civile dhe të drejtat e njeriut, veçanërisht gjatë zgjedhjeve në mbarë botën.

Kjo datë është përcaktuar në vitin 2007, me rezolutën e Asamblesë së Përgjithshme të Kombeve të Bashkuara, e cila inkurajon qeveritë që të forcojnë programet kombëtare për promovimin dhe konsolidimin e demokracisë.

LEXONI GJITHASHTU:

• Trump në daljen e tij të parë pas atentatit: Mora një plumb për demokracinë
• Biden pranon se nuk kishte paraqitje të mirë gjatë debatit: Do mbroj demokracinë!