Dita e Pavarësisë së ShBA , amerikanët zgjedhin Shqipërinë për ta festuar

Shtetet e Bashkuara të Amerikës festojnë më 4 korrik Ditën e Pavarësisë. 248-vjetori i shpalljes së pavarësisë së SHBA-së u festua dhe në Tiranë, në sheshin “Nënë Tereza”.

Nënë shoqërinë e muzikës dhe një grup motoristësh që dhuruan spektakël në shesh, qytetarët shijuan atmosferën e kësaj dite dhe në vendin tonë.

Të pranishëm ishin dhe shumë turistët e huaj nga Amerika të cilët shprehen të lumtur që pavarësinë e shtetit të tyre po e festojnë Shqipëri.

“Quhem Kevin dhe jam këtu për pushime në qytetin e bukur të Tiranës. Sot është një ditë e madhe për Amerikën dhe unë e festoj gjithmonë atje. Është një eksperiencë e re këtu në Shqipëri, dhe është vërtet një përvojë shumë e mirë për mua”, tha një djalë nga Amerika.

“Unë jam me pushime me miqtë e mi këtu. Shqipëria për mua është qytet i bukur. Unë e dua shumë, njerëzit janë të mirë. Shqipëria e feston shumë festën e Pavarësisë. Më mirë këtu sesa në SHBA”, tha një turist

Një tjetër turiste shprehet se në Shqipëri atmosfera është ndryshe dhe njerëzit janë shumë miqësorë.

“Unë kam qenë në Amerikë për Ditën e Pavarësisë shumë vite. Ndaj është bukur ta festosh në Shqipëri në Shqipëri. Shqipëria duket një vend i bukur. Njerëzit kanë energji pozitive. Ata janë vërtet miqësorë. Ne na pëlqen shumë Shqipëria, është vend shumë I bukur”, shprehet ajo.

Dita e Pavarësisë së SHBA, festohet çdo vit në Tiranë, por jo vetëm pasi kjo ditë festohet dhe nga shumë vende të tjera të botës.