Dita e Shenjtërimit të Nënë Terezës, Meta: Do të jetë përherë frymëzim

Kryetari i Partisë së Lirisë Ilir Meta ka përkujtuar veprën e humanistes shqiptare Nënë Tereza në Ditën e Shenjtërimit të saj.

Përmes një postimi në rrjetin social facebook Meta shkruan se Nënë tereza do të jetë përherë frymëzim “për të bërë gjëra të vogla me dashuri të madhe”.

Kreu i PL thekson se në këtë ditë deste për kombin shqiptar, të gjithë duhet të nderojnë veprën e ndritur të Shenjtores.

“Në këtë ditë feste për kombin shqiptar, botën katolike dhe njerëzimin, Shenjtërimin e Nënë Terezës, nderojmë me respekt veprën e Saj të ndritur dhe të paharruar, shembullin e jashtëzakonshëm të humanizmit dhe dashurisë në veprim.

Shën Nënë Tereza, simboli i nënës shqiptare, do të jetë përherë frymëzim “për të bërë gjëra të vogla me dashuri të madhe”, shkruan Meta në facebook.