Ushqimet bio janë në rrezik zhdukje si pasojë e ushqimeve të shpejta, që po bëhen gjithmonë e më shumë një alternativë e parë. Ky fakt u vu në dukje edhe në Ditën e Tokës Mëmë, ku fermerët e Shirgjanit në Elbasan, organizuan një aktivitet me qëllim promovimin e prodhimeve bio për një trup dhe mëndje të shëndetshme.
“Ne sot këtu paraqitemi me disa gatime tradicionale, të zonës së Shirgjanit por edhe gjithë trevës së Elbasanit. Këtu paraqitem edhe vajin e ullirit që është prodhuar nga varjetete autoktone, bixaj dhe kokërrmadh i Elbasanit. Zona jonë ka shumë gjera që mburret se ka shumë gjera, një nga specialitetet është tava kosit.”
“Janë të gjitha gatime që këtu janë të zonës, ka ngel tava e kosit që është me emër pastaj të tjera është dhe përsheshi i gjelit të detit, megjithëse e bëjnë dhe te tjerë ky i joni është special.”
FAO Organizata e OKB-së për Bujqësinë dhe Ushqimin ka konstatuar se 75% e varieteteve bimore të ngrënshme kanë humbur në mënyrë të pakthyeshme. Kjo humbje po shihet gjithnjë e më tepër si rrezik.
” Unë nuk them që po zhduken por mungon lënda e parë që edhe shumë njerëz nuk arrijnë që ti bëjnë këto gatime akoma. Sepse kemi një mungesë të lëndëve të parë, pra nuk kemi atë cilësinë. Unë nuk jam kurrë me atë që po humbet sepse te gjithë kanë nis ti japin rëndësi gatimeve tradicionale, por mungon lënda e parë”,- Naim Bashmili.
” Këto ushqime tradicionale që ne kemi duhet patjetër të promovohen, dhe ushqimet të konsumohen në lokalet agrotutizëm. Ideja jonë është të promovojmë jo vetëm ushqimim e shëndetshëm por edhe zhvillimin e turizmit”,-tha Artur Guni Drejtori i Agjencisë së Kulturës dhe Turizmit Elbasan.
Ruajtja e këtyre sistemeve bujqësore është e rëndësishme për shëndetin thonë organizatorët, për kulturat tona dhe për t’iu lëne brezave të ardhshëm një planet më të pasur.
LEXONI GJITHASHTU:
- U vra në Athinë, zbulohet dokumenti i parlamentit grek ku përmendet Irakli Davella
- KFOR shton masat për mbrojtjen e Manastirit të Deçanit
