Këtë të premte festohet Dita e Verës, dhe me këtë rast, urimet nga politika nuk kanë munguar.

Përmes statuseve në rrjetet sociale, uruan presidenti Bajram Begaj, kryeministri Edi Rama, dhe kreu i opozitës, Sali Berisha.

Presidenti Bajram Begaj uroi qytetarët për Ditën e Verës, një festë tradicionale me origjinë të hershme në Elbasan, që shënon ardhjen e stinës së pranverës.

Përmes një fotografie në rrjetet sociale, ku në qendër ishin ballokumet, Begaj shprehu urimet e tij për të gjithë shqiptarët.

“Gëzuar Ditën e Verës, me këtë shportë të përgatitur nga amvisat e Elbasanit, kryeqyteti shqiptar i festimit të kësaj dite!”, shkroi Begaj.

Ndërkohë, kryeministri Edi Rama, përmes një video të shpërndarë në Facebook, uroi të gjithë shqiptarët.

“Gëzuar Ditën e Verës”, shkroi Rama, dhe ndau një videomontazh nga qyteti i Elbasanit.

Nga ana tjetër, kreu i PD-së, Sali Berisha, ka zgjedhur një foto të tij nga Elbasani, gjatë festave të kaluara. Ai njoftoi se ditën e sotme do të jetë sërish në këtë qytet, ku, përveç festimeve, do të zhvillojë edhe disa aktivitete politike.

LEXONI GJITHASHTU:

• “Dita e Verës”, çfarë simbolizon kjo festë dhe historia e saj
• Policia publikon planin e masave për Ditën e Verës, akset rrugore që do të bllokohen