Djali i Donald Trump riposton në X sulmin e Grenell kundër Kurtit

Djali i presidentit të SHBA-ve, Donald Trump Jr ka ripostuar në platformën X një deklaratë të zyrtarit të amdinistratës Trump, Riçard Grenell, i cili dy ditë më parë kritikoi ashpër kryeministrin e Kosovës Albin Kurti.

Donald Trump Jr ka ripostuar postimin ku Grenell është shprehur se qeveria e udhëhequr nga Albin Kurti nuk ka qenë e besueshme për SHBA-të as gjatë mandatit të parë të Trump, as gjatë mandatit të Biden dhe si republikanët ashtu edhe demokratët e kanë kritikuar vazhdimisht Kurtin për ndërmarrjen e veprimeve të njëanshme që destabilizojnë rajonin.

I have many friends in Kosovo and Albania…and many friends in Serbia and throughout the region.

The Trump Administration has worked and will continue to work towards peace for everyone in the Balkans.

But we need trustworthy partners.

The Kurti Government was not…

— Richard Grenell (@RichardGrenell) February 3, 2025

“Kam shumë miq në Kosovë dhe Shqipëri…dhe shumë miq në Serbi dhe në mbarë rajonin. Administrata Trump ka punuar dhe do të vazhdojë të punojë drejt paqes për të gjithë në Ballkan. Por ne kemi nevojë për partnerë të besueshëm. Qeveria Kurti nuk ishte e besueshme as gjatë mandatit të parë të Trump, as gjatë mandatit të Bidenit. Si republikanët ashtu edhe demokratët e kanë kritikuar vazhdimisht Kurtin për ndërmarrjen e veprimeve të njëanshme që destabilizojnë rajonin.

Po ashtu edhe BE-ja dhe NATO-ja. Bashkësia ndërkombëtare është e bashkuar kundër Kurtit. Kompanitë amerikane po zgjerohen në Shqipëri dhe Serbi por nuk po zgjerohen në Kosovë për shkak të Kurtit. Kurti ka qenë gjithashtu kundër çdo ideje amerikane të ofruar nga presidentët Clinton, Bush, Obama, Biden dhe Trump. Retorika e përdorur nga Kurti tani, duke pretenduar se është i afërt me SHBA-në dhe më mirë se të gjitha qeveritë e tjera të Kosovës, është absolutisht e rreme. Mos u mashtroni”,-shkruan Grenell në X.

LEXONI GJITHASHTU:

• Përplasjet Grenell-Kurti! Kandidati i AAK-së tregon se çfarë rrezikon Kosova
• Grenell sulmon ashpër Kurtin: S’është i besueshëm për SHBA-të, mos u mashtroni