“Djalin ma vranë pa faj”, flet babai i 23-vjeçarit shqiptar që humbi jetën në Itali

Agim Bitri, babai i 23-vjeçarit i Klajdi Bitrit, i cili mbeti i vrarë 2 ditë më parë në Itali pas një sherri për motive të dobëta.

Ai ka kërkuar drejtësi për humbjen e të birit ndërsa i ka bërë thirrje shtetit ta ndihmojë të kthejë trupin e të birit në atdhe.

“Më ka ndodhur një fatkeqësi e madhe. Nuk ia uroj as hasmit. Vajti për të ndarë një sherr e ma qëlluan e ma vranë, pa ndonjë faj. Kishte 6 vjet që punonte me djersën e ballit, jemi njerëz të thjeshtë. Kërkoj drejtësi për fëmijën se ishte në lule të rinisë, nuk arriti të shijonte jetën, të krijonte familje, më mirë të më kishte ndodhur mua. Gruaja ende nuk e di, po e mbajmë me gajret nëpër spitale. U bënë dy ditë që qaj mbyturazi, më thotë gruaja më çoni në Itali të ngre çunin në këmbë. Kërkoj drejtësi dhe dëmshpërblimin për fëmijën tim. Kërkoj drejtësi. Vëllai 18 vjeç e ka parë skenën live. Ai është i vetëm dhe po përballet me procedurat, unë nuk mund të iki, nuk kam as pasaportë. Jam për të vrarë veten, jetoj vetëm për gruan dhe djalin 18 vjeç që po përballet vetëm atje”, tha babai i 23-vjeçarit për mediat.

LEXONI GJITHASHTU:

• “Ma vranë para syve”, flet vëllai i 23-vjeçarit shqiptar që u vra në Itali
• Si u vra i riu shqiptar në Itali, ndërhyri të shuante sherrin por u qëllua me shtizë