Djokovic eliminohet nga Indian Wells, e mposht numri 85 në botë

Novak Djokovic i ka dhënë lamtumirën kompeticionit të radhës në tenis, pas një humbje të papritur ndaj një kundërshtari aspak favorit. Në Indian Wells, serbi u tregua i pafuqishëm ndaj Van De Zandschulp, i cili arriti të triumfojë në 1/32. Dueli nisi mjaft mirë për holandezin që arriti të bindë që në setin e parë të lojës, ku arriti të sigurojë rezultatin 2-6.

Në vijim, Djokovic u tregua i saktë duke e mposhtur atë 6-3 e dhënë idenë se përmbysja do të ishte veçse çështje kohe.

Asgjë nuk rezultoi e tillë, pasi Van De Zandschulp e fitoi setin e tretë të lojës dhe të dytin personal, duke siguruar kualifikimin më tej. Një rezultat i thellë 1-6 në favor të 29-vjecarit Botic Van De Zandschulp. Një shuplakë kjo në fytyrën e Djokovic, i cili ishte ndër favoritët për fitimin e trofeut, por Indian Wells, duket se nuk i sjell shumë fat serbit.

Një fakt tejet interesant është ai se holandezi renditet i 85-ti në botë, sa i përket renditjes së përgjithshme të tenistëve, ndërsa Djokovic në vendin e 7-të, pasi ka lëshuar mjaftueshëm terren në disa gara. Botic Van De Zandschulp në raundin tjetër të kompeticionit do të përballet me argjentinasin Cerundolo, që në 1/32 fitoi ndaj amerikanit Mc Donald.

LEXONI GJITHASHTU:

• Djokovic vendos rekord absolut në tenis, serbi parakalon Roger Federer
• Sinner pezullohet 3 muaj nga tenisi, italiani rezultoi pozitiv në testet e doping