Havier Dobi, djali i sanitares Rozeta Dobi, e cila vodhi mijëra euro dhe dollarë nga disa prej banesave ku punonte, i ka dërguar një letër nga burgu një vajze që quhet Xhulia Shehaj, e cila mendohet se është e dashura e tij.
Në letër, Haveri shkruan se po del në gjyq për shkak të nënës së tij, teksa nënvizon se pas dy muajsh do të dalë nga burgu.
Ai i kërkon asaj që të bëhet e fortë dhe ta presë këto dy muaj.
“Nusja ime, dashuria ime, jeta ime, bota ime. Sot unë dal në gjyq për shkak të mamit. Jam këtu ku jam dhe do jem maksimimumi dy muaj brenda. Pas dy muajsh, do dal me “arrest shtëpie”. Përgjatë këtyre dy muajve do dua të jesh sa më e fortë, me durim, kurajo dhe pavarësisht që jam këtu, por me shpirt e zemër jam me ty. Dua të më presësh dy muaj. Do bëj gjithçka që të jem afër teje. Të dua shumë me shpirt e me zemër jeta ime. Nusja ime, të puth fort”, thuhet në letrën e Havier Dobit.
Ndërkohë, Havieri i ka dërguar letër edhe të atit, ku i thotë se duhet të jetë sa më i qetë, teksa thekson i vjen që të vrasë veten e tij dhe fajëson të ëmën.
“Babi im i dashur, jam shumë mirë, mos u bëj merak, duhet të jesh sa më i qetë. E mora letrën që më kishe shkruar dhe mu mbushën sytë me lot. Mu shkatërrua zemra, të lutem të bësh gjithçka që të më nxjerrësh. Jam bërë si mos më keq, nuk e dua më veten time, më vjen të vras veten. Të lutem bëj çdo gjë, nuk rri dot më këtu. Mamit nuk do ia fal kurrë këtë gjë, kurrë. Mos Tres u bëj merak, ju dua shumë, ty mbesën, babin dhe Iliren. Do dal vetëm për ju”, thuhet në letrën e Havierit.
Nënë e bir, Rozeta Dobi dhe Havier Dobi janë lënë në burg, pasi akuzohen për vjedhjen e mijëra eurove, dollarëve si dhe një sasie aksesorësh floriri në banesën e ish-zyrtares së lartë, Alda Klosi.
Nënë e bir nuk kanë dhënë asnjë deklaratë paar gjyqtarit Arben Micku që udhëhoqi dhe seancën gjyqësore.
Prokurorja e çështjes Mirela Zavalani i ka akuzuar nënë e bir vetëm për vlerën 120 mijë euro të gjetura në shtëpinë e Klosit e jo për paratë që janë gjetur në shtëpinë e Rozeta dhe Havier Dobit.
Zavalani nuk ka ngritur akuza të tjera për 400 mijë eurot e gjetura në aspirator. Alda Klosi ka qenë një zyrtare e lartë, teksa vjedhja në banesën e saj, e cila jetonte bashkë me vajzën, ka ndodhur më 15 dhjetor të vitit 2022.
Ditën e djeshme, në banesën e nënë e bir, u gjetën rreth 405 mijë euro, 8500 dollarë dhe aksesorë floriri pas një kontrolli të ushtruar nga forcat e policisë, që dyshohet se janë vjedhur nga banesa e Klosit.
LEXONI GJITHASHTU