Vodhën mijëra euro, përgjimi që fundosi nënë e bir në Tiranë

Gazetari Eni Ferhati ka zbuluar detaje të reja në lidhje me paratë e gjetura në shtëpinë e Rozeta dhe Havier Dobit, të cilat dyshohen se janë vjedhur në shtëpi të ndryshme në Tiranë.

Nënë e bir u arrestuan pasi u zbuluan se kishin vjedhur në banesën e zyrtares së lartë Alda Klosi 120 mijë euro dhe florinj.

Ata fillimisht u mbajtën në paraburgim, ku gjatë gjithë kohës ishin në përgjim nga policia.

Ferhati thotë se gjatë kohës që ishin në paraburgim djali i ka thënë të ëmës “Shyqyr që nuk na gjetën dhe paratë e tjera tek shtëpia”.

Ka qenë pikërisht ky përgjim që fundosi nënë e bir. Pas deklaratës së 23-vjeçarit, policia ka zbarkuar në shtëpinë e Dobit, ku dhe ka gjetur mbi 400 mijë euro të fshehura në aspirator.

Ndërkohë Gjykata pak më parë la në burg nënë e bir të cilët akuzohen për vjedhjen e mijëra eurove, dollarëve si dhe një sasie aksesorësh floriri në banesën e ish-zyrtares së lartë, Alda Klosi.

LEXONI GJITHASHTU: 

• Kriza energjetike, Balluku: Mbrojtëm mbi 1 milion abonentë familjarë
• Arben Kraja emërohet drejtues i Sektorit për Bashkëpunim Ndërkombëtar
• Me lot në sy dhe kokën ulur, dalin në gjykatë nënë e bir që vodhën 540 mijë euro