“Do ishim duke mbajtur zi për të vdekurit”, deklarata e fortë e komandantit të KFOR

Komandanti i KFOR-it në Kosove ka lëshuar një deklaratë të fortë rreth situatës në Veri. Ai ka bërë të ditur se nëse nuk do të ndërhynte KFOR-i, “tani do të ishim duke mbajtur zi për të vdekurit”.

Në një intervistë për gazetën italiane “La Republica” tha se në Zveçan ka pasur njerëz të cilët “me qëllim e kanë nxitur turmën” e banorëve serbë të cilët janë mbledhur prej katër ditësh para objektit komunal.

Rreth 30 ushtarë të KFOR-it mbeten të lënduar gjatë përplasjeve me protestuesit serbë, para objektit të Komunës së Zveçanit.

Njëmbëdhjetë ushtarë janë të kontingjentit italian dhe 19 të tjerë janë të kontingjentit hungarez.

Lëndimet e tyre përfshijnë fraktura të gjymtyrëve, djegie, ndërkohë që 3 ushtarë hungarez janë të plagosur me armë zjarri.

Situata në veri të vendit është tensionuar nga dita e premte, kur Policia e Kosovës asistoi kryetarët e zgjedhur të komunave në veri, që të hynin në zyrat e tyre në objektet komunale, meqë qytetarë serbë kishin bllokuar hyrjen para objekteve.