“Do ketë dhunë”…paralajmërimi i fortë i Miniç për protestat në Beograd

Jelica Miniç, nga lëvizja evropiane në Serbi tha në emisionin Now në Euronews Albania se protestat masive kundër Aleksandër Vuçiç që kanë përfshirë Serbinë ditët e fundit mund të shtypen me dhunë.

Ajo tregoi se nëpër rrugët e Beogradit ka persona të maskuar, është një lloj falange që përdoret nga Vuçiç që përpiqen të provokojnë, madje edhe t’i dhunojnë studentët.

“Protesta është ende gjallë dhe është një nga më të mëdhatë që ka përjetuar ndonjëherë në Beograd. Ka skenarë të ndryshëm se mund të ketë një grevë të përgjithshme, mundësia e dytë është që të ketë një qeveri tranzitore, e treta është më pak e dëshiruar se ka përçarje të madhe brenda shoqërisë dhe ky skenar do ishte shumë i rrezikshëm, që do të thotë se mund të ketë konflikt dhe dhunë pra një zgjidhje të dhunshme. Shpresojmë që qeveria tranzitore të jetë zgjedhja më e mirë, edhe pse vështirë të pranohet nga autoritetet. Ka dhunë nëpër rrugë, ka persona të maskuar, është një lloj falange që përdoret nga Vuçiç që përpiqen të provokojnë, madje edhe t’i dhunojnë studentët”, tha ajo.