Do rrisim pagat për policët në nivelin bazë, zotohet Rama

Kryeministri Edi Rama është zotuar se do të rrisë menjëherë pagat për punonjësit e Policisë së Shtetit, sidomos në nivelin bazë.

Ai tha se raporti i krijuar sot me policinë është një raport besimi, respekti dhe besimi i bazuar te mbështetja e plotë politike e të gjithë drejtuesve të përgjithshëm të policisë.

Sipas tij në polici ka një standard të ri që është si dita me natën me sistemin e mëparshëm.

“Në thelb, pavarësisht se çfarë thuhet dhe gjithmonë do thuhet, nuk ka pasur kurrë në historinë e Policisë së Shtetit një raport si ky që kemi vendosur me policinë, raport respekti, besimi, i bazuar te mbështetja e plotë politike e të gjithë drejtuesve të përgjithshëm të policisë,” – u shpreh Rama gjatë prezantimit të drejtorit të ri të Policisë së Shtetit.

Kryeministri u shpreh se ky standard i cili disa vite më parë ishte i paimagjinueshëm është falë politikës së re në polici, që nga “nga rekrutimi pa parti, pa krushqi e pa rryshfet” deri te shkollimi i cili u rikthye në sistem pas mbylljes së akademisë, sipas tij, absurd.

LEXONI GJITHASHTU:

• ‘Oficeri, një i paudhë’, Rama: Vogëlushen në Himarë nuk e vrau Policia e Shtetit