“Do ta bëni sot!”- Dëshmia e plotë e vrasësit të Liridonës: Plani ndryshoi papritur

Teksa po mbushen 2 muaj nga vrasja e bujshme e Liridona Ademaj, janë publikuar dhe dëshmitë e plota të dhëna përballë hetuesve nga të pandehurit.

Pas dëshmisë të Naim Murselit, mediat kosovare kanë publikaur dhe dëshminë e ekzekutorit Granit Plava.

Në deklarimet e dhëna përballë hetuesve, Plava ka pranuar se ka qenë bashkëshorti i Liridonës, Naimi, ai i cili ka porositur vrasjen në këmbim të 30 mijë eurove.

Ekzekutori ka pohuar se plani i vrasjes është realizuar brenda 1 javë që nga momenti që Naimi ia ka komunikuar.

Fillimisht Naimi i ka urdhëruar që vrasja të kryhet kur ai të ndodhet në Shqipëri, por më pas ka anuluar planin dhe ka kërkuar me ngulm që ekzekutimi të kryej ditën e ngjarjes.

Gjithashtu Musreli i kishte premtuar ekzekutorit se edhe nëse ai do të kapej, do ta ndihmonte të dilte për shkak se do të ndikonte me para.

“Gjatë bisedës në prezencë të të treve, Naimi më ka thënë se do t’i marrësh 30,000.00 euro pasi ta vrasim këtë grua. Në këtë ditë është përmend edhe kallashi për ta ekzekutuar këtë grua, por nuk kam pranuar. Pak para se të largohem m’i ka dhënë dhe 400 euro, dhe Kushtrimit ia ka dhënë një shumë tjetër dhe jemi marrë vesh që të kryhet kjo punë”, ka thënë Plava. “Po ashtu, Naimi na ka thënë se ‘unë kam me shku në Shqipni dhe të kryhet kjo punë sa unë jam atje. Në ditën e vrasjes më ka telefonuar në Ëhatsapp dhe më ka thënë se sot duhet të kryhet kjo punë, duke më thënë se ti e di se ‘kam pare unë, nëse ndodh diçka unë do të të nxjerr’. Më ka marrë me makinën e tij Range Rover rreth orës 12:00 ku kemi bërë gjiro tek Liqeni i Radoniçit. Aty është prishë goma e makinës dhe kemi shkuar në fshatin Novosellë e Epërme ku aty pronari i një gomisterie, pasi e kemi rregulluar gomën, Naimi ka thënë se e mora këtë armë nga pronari i kësaj gomisterie”, ka dëshmuar Plava.

LEXONI GJITHASHTU:

• “Pashë me sy që Liridona…”- Zbardhet dëshmia e Naim Murselit për vrasjen e gruas
• Avokati: Në telefonin e Naim Murselit janë nxjerrë të gjitha bisedat dhe mesazhet
• Ahmeti tregon lëvizjet e babait të Naim Murselit pas varrimit të Liridona Ademajt