”Do ta hajë turinjve”, Robert Budina bashkohet me protestuesit: Rama e solli vendin në dhunën

Protesta për vrasjen e të riut, Klodian Rasha vijojnë prej katër ditësh dhe kjo revoltë është shoqëruar me tension e përplasje midis qytetarëve dhe forcave të Policisë.

Qytetarëve në protestë u janë bashkuar edhe artistë. Njeri prej tyre ishte aktori Robert Budina. Ai foli për mediat, ku akuzoi në mënyrë të drejtpërdrejtë kryeministrin Edi Rama si nxitësin kryesor të dhunës e tensionit në Shqipëri.

“Mos u çudisnin që ndonjëri prej jush të hajë ndonjë plumb qorr, sepse kjo është polici politike. Unë iu kundërpërgjigjem njerëzve, të cilët vuajnë, sepse këtë nuk e vendos kryeministri, sepse votat që i ka marrë kryeministri para katër vitesh i ka marrë në një situatë tjetër, dhe ato vota që ai na i përplas turinjve si forca e tij më e madhe, të jetë i bindur se nuk i ka. Do ta hajë turinjve të gjithë pakënaqësinë e njerëzve në të gjitha format qoftë paqësore, qoftë të dhunës. Nuk jam fare për dhunim, por ky njeri (Rama) e solli vendi në dhunë”, tha ai.

Sjellje të tilla tha Budina do të marrin përgjigje të merituar nga qytetarët, të cilët ndihen të shtypur nga pushteti.

“Nuk e sollën (dhunën) protestuesit, se ne jemi shembulli dhe ne thamë jo me dhunë, por çfarë bëri? Vrau një të ri. Ai përgjigjen do ta marrë nga revolta dhe pakënaqësia e njerëzve, sepse ata e ndiejnë se duhet të protestojnë”, shtoi ai.

Lexoni gjithashtu: 

Tensionet në vend, ambasadorja Yuri Kim përsërit thirrjet për vetëpërmbajtje

Tensionet në vend, PD: Dhuna dhe arroganca 7-vjeçare e Edi Ramës janë shkaktarët e revoltës

Sulmi i selisë së PS në Shkodër, reagon Rama: Terroristët e Boko Haramit i përdorin fëmijët si kamikazë

Tensionohet situata në Shkodër, sulmohet selia e PS-së, ndërhyn FNSH