‘Do të asimilohen në 1000%’, Kreshnik Spahiu bën paralajmërimin për Kosovën

Ish-kryetari i Aleancës Kuq e Zi, Kreshnik Spahiu deklaroi se Serbia është shteti më i interesuar që Kosova të mos bashkohet me Shqipërinë.

Në emisionin “Now” në Euronews Albania, Spahiu u shpreh se aktualisht, në Kosovë, 4% e popullsisë është serbe.

Sipas tij, nëse ndodh bashkimi Shqipëri-Kosovë, një asosacion serb do të asimilohet në 1000%.

“Në bindjen time, shtet më të interesuar që Kosova të mos bashkohet me Shqipërinë, është Serbia. Pse? Për sa kohë do të mbajë një shtet të vogël, të dobët, të korruptuar, me probleme etnike, asosacione, pavarësia dhe sovraniteti i këtij shteti të vogël që quhet Kosovë, do të jetë gjithmonë në një shtet të minuar. Serbia është shteti më i interesuar kundër bashkimit të Shqipërisë dhe Kosovës.

Të jeni të bindur, që në një moment të caktuar, sovraniteti do të jetë i cunguar. Në Kosovë kemi 4% serbë. Nëse do të jetë Shqipëri dhe Kosovë, një asosacion serb do të asimilohet në 1000%. Madje, ata do ndihen të lumtur, se ne shqiptarët e Shqipërisë, i vendosim këtu në kurriz minoritetet, i mbajmë më mirë se vetja”, theksoi ai.

LEXONI GJITHASHTU

• “80% e shqiptarëve duan bashkim kombëtar”, pedagogu: Sekreti pse s’mund të ndodhë
• Kreshnik Spahiu: Pse Shqipëria e ka penguar Kosovën në përpjekjet për pavarësi
• Molliqaj sulmon Kurtin dhe Ramën: Si u tërhoqën për bashkimin kombëtar