“Do të zhytem vetë”- Kryebashkiakja e Parisit i përgjigjet kritikave për lumin Senë

Shqetësimet në rritje për nivelin e papastërtisë në lumin Senë kanë detyruar kryebashkiaken e Parisit, Anne Hidalgo, të premtojë se do të zhytet vetë për t’ju vërtetuar kritikuesve se e kanë gabim.

Ky premtim, i cili vjen në një kohë kur do të zhvillohen edhe Lojërat Olimpike të Parisit, lidhet me një plan investimi prej 1,4 miliardë eurosh për pastrimin e lumit, të udhëhequr nga vetë kryebashkiakja. Sipas rezultateve testimi i ujit tregoi se lumi kishte nivele të pranueshmë bakteresh.

Kështu në  një intervistë për Radio France, Hidalgo bëri të ditur sfidën që ju ka hapur kritikëve, duke u zotuar se do të zhytet javën e ardhshme në lumin Senë. Në muajin shkurt, sipas Associated Press edhe presidenti francez Emmanuel Macron premtoi se do të lahej në Senë, por më pas e hodhi poshtë premtimin e tij.

Edhe pse noti në lumë është ndaluar që prej vitit 1923, Franca do të zhvillojë aty dy ngjarje olimpike, triathlon dhe notin maratonë , të cilat janë planifikuar të zhvillohen Senë së bashku me ceremoninë e hapjes.