“Do t’i marrim 3 pikë Spanjës”, Hoxha: E harruam Kroacinë, synojmë kualifikimin

Mbrëmjen e së hënës, Shqipëria zhvillon ndeshjen e fundit në grupin e Euro 2024, ndërsa është dhe më decisivja në këtë rrugëtim. Kuqezinjtë përballen me Spanjën, e cila kryeson me 6 pikë, ndërsa lojtarët besojnë tek suksesi.

Në konferencën e zakonshme për shtyp, sulmuesi Arbër Hoxha pohoi se ndeshje me Kroacinë ka mbetur pas, ndërsa sytë janë drejt Spanjës.

“Jam i lumtur që jam me kombëtaren dhe në Euro 2024. Ndeshjen e dytë bëmë më mirë se të parën, shënuam gol, pësuam 2 dhe nuk u ndalëm. E harruam Kroacinë, do synojmë fitoren me Spanjën”,-tha Arbër Hoxha, sulmues i kombëtares shqiptare.

Të besuarit e Sylvinhos e kanë të qartë mënyrën se si do të luajnë ndaj ‘la furia roha’

 “Duhet të qasemi 100% në ndeshje, të japim maksimumin. Spanja dëshiro ntë posedojë topin të qarkullojë, ne do të provojmë kundërsulmet”,-tha Arbër Hoxha, sulmues i kombëtares shqiptare.

Më tej, Hoxha ka folur dhe për të ardhmen.

“Gjatë kësaj periudhe nuk e kam menduar të ardhmen, jam i fokusuar atje dhe kombëtare”,-tha Arbër Hoxha, sulmues i kombëtares shqiptare.

Shqipëria ka vijuar stërvitjen këtë të premte, ndërsa bëhet gati për ndeshjen ndaj Spanjës, e cila do t’i japë fund fazës së grupeve.

LEXONI GJITHASHTU:

• “Shqipëria mund të fitojë me Spanjën!” E parashikon De Biasi…