“Shqipëria mund të fitojë me Spanjën!” E parashikon De Biasi…

Ish-trajneri i Kombëtares Shqiptare, Gianni De Biasi ishte këtë të premte i ftuar në një intervistë për Euronews Albania ku tha se lojtarët e kombëtares duhet të ndihen shumë krenarë për paraqitjen e tyre në Kampionatin Europian 2024.

I pyetur nga moderatori Ilir Kazaferi se si mund të shkojë përballja e Shqipërisë me Spanjën, De Biasi tha se ekziston mundësia e një fitoreje.

“Lojtarët mund të jenë pak të zhgënjyer nga dy ndeshjet, sepse arritën vetëm 1 pikë. Besoj se paksa trishtim mbetet, por duhet të jenë krenarë. Meqenëse Spanja është kualifikuar mund të tregohet pak më pak e vendosur në rezultatin kundër Shqipërisë.

Nëse Shqipëria bën një lojë inteligjente edhe mund të fitojë ndaj Spanjës. E di që mund të duket një marrëzi ko që sapo thash, por kjo mund të jetë një fitore që të na çojë në raundin e dytë”,-tha De Biasi.

Kujtojmë se Shqipëria do të përballet me Spanjën të hënën më 24 qershor në Dyseldorf të Gjermanisë.

LEXONI GJITHASHTU:

• “Do t’i marrim 3 pikë Spanjës”, Hoxha: E harruam Kroacinë, synojmë kualifikimin
• Pamje të rënda nga Meka, të vdekur dhe njerëz të shtrirë në tokë nga i nxehti