Do t’ia dal pa mbështetjen e oligarkëve, thotë Alimehmeti

Mjeku Ilir Alimehmeti deklaroi se do t’ia dalë pa mbështetjen e oligarkëve në garën për Bashkinë e Tiranës, nëse del fitues në primaret e Partisë Demokratike.

Në emisionin “Now” në Euronews Albania, Alimehmeti u shpreh se do pranojë financime për fushatë elektorale, vetëm nëse gjithçka është brenda ligjit.

“Jemi mësuar aq keq për të përdorur metodat e këqija dhe të dënueshme me ligj, të përdorimit të parasë atje ku nuk lejohet, te blerja e votës, saqë na duket tashmë krejt normale. Kjo është e dënueshme me ligj.

Ne jemi parti e djathtë, nuk jemi kundër biznesit, nuk jemi kundra zhvillimit. Por me kusht që është konfrom ligjeve shqiptare dhe ndërkombëtare. Përsa i përket financimeve të fushatave elektorale, gjithçka brenda ligjit”, theksoi ai.

Alimehmeti shpalli kandidaturën për Primaret për Bashkinë Tiranë, këtë të mërkurë.

Nga selia blu, ai prezantoi zyrtarisht kandidaturën e tij për të marrë pjesë në Primaret e PD.

LEXONI GJITHASHTU

• Alimehmeti: Mendimi im për Gert Bogdanin dhe Belind Këlliçin
• Alimehmeti: Gjëja e parë që do bëja nëse do hyj në zyrën e kryebashkiakut të Tiranës
• Ilir Alimehmeti: Si më lindi ideja për të kandiduar për Tiranën