“Do vazhdojmë luftën”, paralajmërimi i Menës nëse miratohet Urdhri i Inxhinierit

Deputetët e Partisë Socialiste, Luljeta Bozo dhe Ismet Beqiraj po e organizojnë profesionin e inxhinierëve dhe atë të hidroteknikut në dy ligje të veçanta. Unioni i inxhinierëve shqiptarë thotë se në kalendarin e punimeve të kuvendit do të merren për shqyrtim dy iniciativat të ndërmarra nga deputetët.

Ndërkohë inxhinierja Dëshira Mena, drejtuese e unionit të inxhinierëve për ta diskutuar e cila tha se janë kundër kësaj nisme të ndërmarrë.

Në një intervistë për Euronews Albania, ajo theksoi se të gjithë argumentet që kanë do i çojnë në institucionet përkatëse ndërsa theksoi se ‘lufta’ e tyre do të shkojë deri në fund.

Më tej ajo shtoi se inxhinierët punojnë me tendera kombëtar dhe ndërkombëtarë.

“Ne nuk do të ndalojmë, argumentet do i marrim dhe do i çojmë tek të gjithë ata që dinë t’i lexojnë dhe t’I interpretojnë siç duhet, kushdoqofshin këto, Gjykata shqiptare, Kushtetuese të huaja. Ne do të vazhdojmë luftën tonë deri sa këto të rrëzohen. Këto përplasje ligjesh ne do i rrimë strikt dhe do i qëndrojmë faktit që jemi një profesion i rregulluar, jemi në dorë të shtetit. Është normale  që profesioni i inxhinierit përveç peshës që ka në inxhinieri të jetë i varur nga shteti.

Inxhinierët ndryshe nga mjekët dhe infermierët punojnë me tendera kombëtar dhe ndërkombëtar. Ne punojmë nëpërmjet garave dhe tenderave që bëhen. Pushteti që merr ai që mban urdhrin, nuk është një pushtet thjesht për licencën e një individi është një pushtet për të menaxhuar gjithë tregun dhe industrinë në vend. Ky duhet të jetë një aset i shtetit”- tha ajo.

LEXONI GJITHASHTU: 

• Dita Ndërkombëtare e Romëve, Manastirliu: Në fokus punësimi i komunitetit Rom
• Rama: Rriten pagat për policët dhe punonjësit e sigurisë në burgje (Shifrat)