Më i votuari në listën e hapur të PS, Gonxhja: S’u kam shkuar njerëzve nëpër shtëpi

Ministri i Kulturës Blendi Gonxhja, më i votuari në listën e hapur të Partisë Socialiste të Tiranës tha në një intervistë për Euronews Albania se fitoren e tij nuk e ka favorizuar fakti që ka bërë fushatë si ministër.

Kjo, sipas Goxhes në momente të caktuara mund të shihet dhe dizavantazhuese pasi përgjegjësia dhe kërkesa e llogarisë ndaj tij ka qenë më e madhe.

Ai tregoi se lloji i fushatës që ka bërë në zonën ku kandidonte ka pasur një lloj takti, duke refuzuar të hynte në privatësi nëpër shtëpitë apo bizneset e tyre.

“Nuk besoj se do dalë një person që të thotë se ka qenë i detyruar në zonë  time që të votojë për ministrin Gonxhja. Nuk kam dalë në trotuare a dyqane duke iu hyrë njerëzve në privatësinë e tyre. Jam përpjekur të kem një takt të edukuar për të bërë që të kuptohet se qasja është serioze. Kam bërë takime me shumë njerëz për të dëgjuar problemet e tyre. Kur shkon edhe si ministër përgjegjësia është edhe më e madhe. Të shkosh si ministër nuk është favor, se ai presupozohet të zgjidhë çështje të shumta duke qenë edhe si pjesë e kabinetit. Ky është presion më i madh se ai ndaj një kandidati që nuk ka asnjë përgjegjësi”, tha Gonxhja.

LEXONI GJITHASHTU:

• Korrupsion në zgjedhje, policia njoftim për sekuestron e telefonit të Rroshit
• Numërohen rreth 62% e zarfeve të diasporës, kryeson PS me 65 mijë vota