Dokumente të falsifikuara dhe ora të shtrenjta, dy të arrestuar në Durrës

Policia e Durrësit ditën e sotme ka arrestuar dy persona.

Bëhet e ditur se 67-vjeçari B. R. u kap në flagrancë, teksa transportonte në rimorkion e automjetit që drejtonte, 31 ora të markave të shtrenjta, 6 kuti me lëndë piroteknike (780 fishekzjarre dhe kapsolla) dhe mallra të tjera të kontrabanduara, vihet në pranga 67-vjeçari.

I arrestuari transportonte edhe një shtetas 37-vjeç, me qëllim kalimin e kufirit në mënyrë të paligjshme.

Në pranga ka rënë dhe 37-vjeçari, R. M., pasi tentoi të kalonte kufirin në mënyrë të paligjshme dhe me dokumente të falsifikuara.

Materialet procedurale i kaluan Prokurorisë pranë Gjykatës së Rrethit Gjyqësor Durrës, për veprime të mëtejshme.

LEXONI GJITHASHTU:

• I përfshirë në trafik droge, detaje nga ekzekutimet e 2 shqiptarëve në Athinë
• “Urdhër arresti ndaj Ahmetajt”, gazetari: Vendimi i SPAK që do godiste qeverinë
• Kryeministrja serbe: I frikësohem një përshkallëzimi të situatës në veri të Kosovës