Dokumentet amerikane: Egjipti prodhon fshehurazi raketa për Rusinë

Detaje të reja kanë dalë në dritë nga një numër dokumentesh shumë konfidenciale të inteligjencës amerikane, të cilat u zbuluan në internet në fund të javës së kaluar.

The Washington Post shkruan se Egjipti kishte planifikuar që rreth 40,000 raketa të dërgoheshin fshehurazi në Rusi më herët gjatë luftës.

Pretendohet se presidenti Abdel Fattah El-Sisi urdhëroi prodhimin dhe transportin e armëve, pavarësisht se ishte një nga aleatët më të afërt të Amerikës në Lindjen e Mesme.

Një pjesë e dokumentit, e datës 17 shkurt, përmbledh bisedat e supozuara midis Presidentit Sisi dhe zyrtarëve të lartë ushtarakë egjiptianë.

Gazeta thotë se i referohet gjithashtu planeve për të furnizuar Rusinë me fishekë artilerie dhe barut.

Presidenti Sisi thuhet se u tha zyrtarëve që të mbanin sekret prodhimin dhe dërgimin e raketave “për të shmangur problemet me Perëndimin”.

LEXONI GJITHASHTU:

• Nga Gates te Trump, si do të dukeshin miliarderët po të ishin të varfër sipas IA
• Konfiskimet e pronave, seancë në Gjykatën Kushtetuese për padinë e PD ndaj qeverisë