Aktivisti Ergys Mërtiri dhe gazetari Alfred Lela kanë debatuar në Euronews Albania lidhur me procesin e primareve të realizuar një ditë më parë nga Partia Demokratike.

Sipas Mërtirit, dje nuk pati garë të vërtetë për aq kohë sa zgjedhjet i organizon një njeri që quhet Sali Berisha dhe ‘vendos kë të dojë ai’.

“Nuk prisja ndonjë gjë, nuk ndodhi në sytë  e mediave, këtë e pamë për mes reagimit të vetë kandidatëve. Pamë shumë njerëz që u tërhoqën nga gara, shumë njerëz që denoncuan abuzime dhe madje dolën më shumë seç unë e kisha menduar. Për aq kohë sa zgjedhjet i organizon një njeri që quhet Sali Berisha, i bën ai, vendos kë të dojë ai, pra i ka të gjitha dhe prapë dolën kaq shumë reagime dhe kaq shumë kontestime e denoncime, kjo tregon që edhe në zgjedhje totalisht të njëanshme ka pakënaqësi”, – u shpreh Mërtiri.

Për gazetarin Alfred Lela, zgjedhjet ishin reale, me kandidatë realë në të gjitha qarqet.

“S’i bëri Sali Berisha, ishin 7 kandidatë në Tiranë, 5 diku tjetër. Mos t’ia hedhin fajin Sali Berishës për çdo gjë. Ka të meta, por jo në këtë rast”, tha Lela.

“Pse duhet të besojmë se kishte garë kur të gjitha palët janë të të njëjtit  krah të foltores dhe prapë dolën të pakënaqur brenda llojit”, u shpreh Mërtiri.

“Pra, derisa ka të pakënaqur, s’paskan qenë të komanduar dhe s’paska pasur hile”, u përgjigj Lela.

LEXONI GJITHASHTU:

• Mërtiri: Në primaret e PD-së kishte manipulime, jo garë
• “Fituan kamikazët e Berishës”, Brisida Gjikondi kritike për primaret në PD