“Fituan kamikazët e Berishës”, Brisida Gjikondi kritike për primaret në PD

Avokatja Brisida Gjikondi, ka komentuar procesin e primareve që u zhvilluar ditën e djeshme nga PD-ja.

Në një intervistë për Euronews Albania, ajo tha se PD ka probleme të mëdha me ekzistencën e saj .

Më tej ajo theksoi se kreu i PD-së Sali Berisha po përdor një taktikë të pastër për të legjitimuar veten e tij, ndërsa shtoi se në të gjitha  qytetet kanë fituar mbështetësit e Berishës.

“Mendoj se kjo parti ka probleme të mëdha me ekzistencën e saj dhe kjo e primareve më duket më shumë në funksion për të legjitimuar Berishën si kryetar të asaj parti. Këto gjëra që ndodhin prapa janë për të ndikuar Gjykatën, për të ndikuar te Gjykata dhe opinioni që Berisha është kryetar i PD ndërkohë që ne kemi një ngrehinë që është pa letra  për aq kohë sa nuk është shprehur Gjykata të gjitha këto mund të dalin nul.

Është një taktikë të pastër të Berishës për të legjetimuar veten e tij në krye të asaj partie  dhe përdor këto taktika për të shpërndarë pushtet te anëtarët e partisë. Po të shohësh në të gjithë Shqipërinë janë zgjedhur persona që janë kamikaz të Berishës dhe afër Berishës. Nuk kam parë ndonjë qytet deri më sot që të zgjidhen persona që janë kundër Berishës”- tha ajo.

LEXONI GJITHASHTU: 

• Bumçi: Kandidatët për deputetë do zgjidhen me votë nga demokratët
• Balluku e konfirmon: Delegacioni serb do jetë në samit, diskutime midis liderëve