Një 68-vjeçar është gjetur pa shenja jete në zonën e Hasit, pasi kishte dalë për një ekspedite gjuetie në fshatin Perrollaj. Sipas informacioneve paraprake të policisë, dyshohet se shtetasi H. U., është vetëvraë aksidentalisht me armën e tij të gjahut.
Arma e gjahut, e cila ishte e licencuar dhe e poseduar me leje, është sekuestruar nga autoritetet për hetimet në vijim. Grupi hetimor është në vendngjarje dhe po punon për të zbardhur plotësisht rrethanat e ngjarjes.
“Në fshatin Perrollaj, dyshohet se aksidentalisht është vetëvrarë me armë gjahu, shtetasi H. U., 68 vjeç, banues në fshatin Perrollaj, Has, i cili kishte dalë për gjueti. Arma e gjahut, të cilën ky shtetas e posedonte me leje, u sekuestrua në cilësinë e provës materiale. Grupi hetimor ndodhet në vendngjarje dhe po punon për sqarimin e rrethanave të rastit”, thuhet në njoftimin e policisë.
LEXONI GJITHASHTU:
- Tiranë, tritol me dron në ballkon, apartamenti frekuentohej nga i “forti’ i Vlorës
- Mes tragjedisë e varfërisë, familja nga Korça humbi djalin 16 vjeç nga infarkti
