Donald Tusk përballë votëbesimit, e ardhmja e qeverisë polake vendoset më 11 qershor

Rezultati i balotazhit presidencial të së dielës e lë kryeministrin polak të dobësuar politikisht dhe ka pikëpyetje nëse koalicioni i tij shumëpartiak mund të mbijetojë deri në fund të mandatit të tij në fund të vitit 2027.

Parlamenti polak do të mbajë një votëbesim ndaj qeverisë së tij të koalicionit më 11 qershor, njoftoi të martën kryeministri i Polonisë, Donald Tusk.

Ai e thirri votimin të hënën, një ditë pasi aleati i tij, kryetari liberal i Varshavës, Rafal Trzaskowski, humbi balotazhin presidencial të së dielës.

“Po e fillojmë seancën në një realitet të ri politik”, tha Tusk në fillim të një takimi të kabinetit në Varshavë.

“Realiteti politik është i ri, sepse kemi një president të ri. Por kushtetuta, detyrimet tona dhe pritjet e qytetarëve nuk kanë ndryshuar. Në Poloni, qeveria qeveris, gjë që është një detyrim dhe nder i madh.”

Humbja e Trzaskowski-t në zgjedhje ndaj konservatorit Karol Nawrocki e lë Tusk-un të dobësuar politikisht dhe ka pikëpyetje nëse koalicioni i tij shumëpartiak mund të mbijetojë deri në fund të mandatit të tij në fund të vitit 2027.