Tusk: 500 mln evropianë i kërkojnë ndihmë amerikanëve t’i mbrojnë nga 140 mln rusë

Deklaratë e Kryeministrit polak Donald Tusk, përpara samitit për Ukrainën në Londër, është bërë virale në rrjetet sociale.

Tusk, me një bllok shënimesh në dorë, shprehu bindjen se Evropa mund të jetë një fuqi globale dhe nuk ka pse të kërkojë mbrojtje nga SHBA.

Kryeministri polak tha me ironi se 500 milionë evropianë, kërkojnë nga 300 milionë amerikanë, që t’i mbrojnë nga 140 milionë rusë.

Sipas Tusk, Evropa ka potencialin që me demografinë dhe ekonominë e saj, mund të jetë një fuqi globale.

Ai e përforcoi argumentin e tij me shifra ushtarake, duke vënë në dukje se Evropa dhe Ukraina kanë 2.6 milionë ushtarë së bashku – më shumë se dyfishi i 1.1 milionëve të Rusisë.

Ai krahasoi gjithashtu avionët luftarakë dhe sistemet e artilerisë. Megjithatë, argumentoi se kontinenti nuk ka vullnet dhe koordinim, duke e lënë atë tepër të varur nga mbështetja e SHBA-së.

Ai u kërkoi udhëheqësve evropianë të vendosin më shumë trupa përgjatë krahut lindor të NATO-s, duke përmendur Finlandën, shtetet baltike dhe Poloninë si pika të nxehta kritike.

Tusk apeloi për një rizgjim të Evropës, për të marrë në dorë sigurinë e saj.

🚨🇵🇱BREAKING NEWS

Polish PM Donald Tusk:

“500 million Europeans are asking 300 million Americans to defend them against 140 million Russians.”

pic.twitter.com/qD1OdscU5b

— Radio Europe (@RadioEuropes) March 2, 2025

LEXONI GJITHASHTU:

• Trump kritikon Zelenskyn pas përplasjes: “I forti i madh”, do të vazhdojë të luftën
• Zelenskyt iu tha të largohej! Çfarë ndodhi në Shtëpinë e Bardhë mes dy presidentëve
• “Dua garanci për vendin tim”, Zelensky flet për Fox News pas përplasjes me Trump