Alpine njoftoi zyrtarizimin e Jack Doohan si pilot zyrtar në vitin 2025 – duke zëvendësuar Esteban Ocon përkrah Pierre Gasly. 21-vjeçari australian është pjesë e Akademisë së Alpine prej 3 vitesh kur u largua nga Red Bull. Sezonin e shkuar ai u rendit i 3-ti në botërorin e F2. Ndërsa u shpall nënkampion në vitin 2021 në F3.
Zërat për promovimin e tij u shtuan kur Ocon firmosi kontratën për Haas në vitin e ardhshëm. Doohan ka përshkuar qindra km testime për Alpine dhe ka testuar në Provat e Lira në Meksikë dhe Abu Dhabi në vitet 2022-2023 si dhe në Kanada & Britaninë e Madhe këtë sezon.
Në njoftimin për kontratën e re, Alpine sqaroi se Doohan do të përmbushë rolin e pilotit rezervë deri në fund të sezonit duke vazhduar testimet me makinën e vitit 2022, A522 F1. Gjithashtu në fundjava të caktuara do të grumbullojë të dhëna për skuadrën në simulator.
Sa i përket sezonit të ardhshëm, janë ende 3 skuadra që nuk kanë plotësuar formacionet e tyre. Mercedes, RB dhe Kick Sauber nuk kane vendosur ende për pilotët që do të garojnë përkrah Russell, Tsunoda’s dhe Hulkenberg respektivisht.
