Dorëheqja nga posti i ministrit të Mbrojtjes, flet Armend Mehaj

Ish-ministri i Mbrojtjes i Kosovës, Armend Mehaj ka dalë me një postim të gjatë pas dorëheqjes së tij nga posti.

Ndër të tjerash, ai ka falënderuar kryeministrin Kurti, ministrat e tjerë dhe kabinetin e tij.

Mehaj ka folur edhe për pasardhësin e tij, Ejup Maqedonci, për të cilin tha se është një person profesionist, patriot dhe i dëshmuar.

Më tej Mehaj ka treguar arritjet e Ministrisë së Mbrojtjes gjatë kohës që udhëhiqej nga ai.

Mehaj shprehet se FSK-në dhe Kosovën po e presin shumë punë dhe procese në një rrugë të gjatë drejt forcimit të shtetit dhe garantimit të sigurisë së plotë të tij.

“Forcën e Sigurisë së Kosovës dhe Republikën e Kosovës e presin edhe shumë punë dhe procese, në një rrugë të gjatë drejt forcimit të shtetit tonë dhe garantimit të sigurisë së plotë të tij. E në këtë rrugë, mua do të më gjeni gjithmonë duke bashkudhëtuar me shokë, në përpjekjen tonë të përbashkët për atdheun, për Kosovën, për kombin shqiptar”, ka shkruar Mehaj.

LEXONI GJITHASHTU:

• Kurti njofton dorëheqjen e Armend Mehaj, emëron ministrin e ri të Mbrojtjes
• Jep dorëheqjen ministri i Mbrojtjes në Kosovë