Dortmundi ka mundësinë më të mirë për të fituar titullin kampion në Bundesligën gjermane, i cili do të ishte i gjashti në historinë e klubit.
Hapi fals i hedhur nga Bayerni në fundjavë, i cili u mposht nga Leipzig, i dha mundësinë Dortmundit të merrte kreun e tabelës së klasifikimit.
Diferenca mes dy skuadrave është vetëm 2 pikë, ndërsa një triumf i Bayernit në javën e 34 ndaj Koln, nuk do të kishte vlerë nëse rivalët e Dortmundit fitojnë.
Të dielën Dortmundi mori një fitore me shumë vlerë ndaj Augsburgut, me këta të fundit të cilët luajtën me një lojtar më pak prej minutës së 38. Haller ishte lojtari i ndeshjes me një dygolësh, ndërsa fitorja 0-3 u vulos nga Reyna.
Dortmundi nuk e fiton kampionatin që prej sezonit 2011-2012, ndërsa 10 vitet në vijim ishim bavarezët ata të cilët ngritën lart trofeun. Kujtojmë se në sezonin e fundit Dortmundi u rendit në vendin e dytë ku grumbulluan 69 pikë. Që prej ardhjes së Thomas Tuchel në krye të Bayernit, skuadra është eliminuar nga kupa, Championsi dhe tanimë është pranë dështimit sezonal.
LEXONI GJITHASHTU:
- Bayern shkarkon Nagelsmann, e zëvendëson ish trajneri i Dortmundit
- Chelsea përmbys Dortmundin në raundin e 1/16, Benfica kalon lehtësisht Brugge
