Drejt humbjes përballë Benet Becit në Shkodër, reagon Bardh Spahia

Kandidati i Partisë Demokratike për Bashkinë e Shkodrës, Bardh Spahia, ka reaguar në lidhje me ecurinë e procesit të votimit në Bashkinë e Shkodrës, ku ai po shkon drejt një humbjeje të sigurt ndaj kandidatit socialist Benet Beci.

Përmes një postimi në facebook, Spahia ka përshëndetur mbështetësit e tij, si dhe nënvizon se çdo pushtet i dalë nga bota e krimit dhe paratë e pista nuk jeton dot gjatë.

“Çdo pushtet i dalë nga bota e krimit dhe paratë e pista nuk jeton gjatë, ndërsa shpirti i lirë i Shkodrës i ka rezistuar edhe kohëve më të errëta.

Mirënjohje për të gjithë qëndrestarët dhe ata që nuk bëjnë kompromis për lirinë”, shkruan Spahia në facebook.