Drejt kthimit të basteve| Kërkohet hapja e lotove online, kontrollin ta ketë shteti

Baste sportive online të kontrolluara nga shteti. Ky është propozimi i federative sportive për qeverinë, 5 vite pasi aktiviteti u ndalua me ligj.

Kreu i Komitetit Olimpik Kombëtar Shqiptar, Fidel Ylli ka propozuar modelin italian ose suedez për legalizimin e pikave të basteve.

“Të mbyllim bastet në të zezë, t’i nxjerrim në dritë, t’i kontrollojë shteti me rregulla standard, jo privati. Kompanitë e basteve janë në të gjithë botën”, tha Ylli.

Për propozimin në fjalë, kryeministri Edi Rama ka dhënë sinjale se për sportin mund të vihen baste.

“Unë jam shumë i gatshëm të bëjmë këtë diskutim publik. Edhe brenda nesh kemi diskutimet tona për këtë çështje. Ministrja e Arsimit dhe Sportit natyrisht ka tendencën të jetë në krahun tuaj se të ardhurat nga një aktivitet i formalizuar do të ishin të konsiderueshme në funksion të sportit”, tha Rama.

Disa ditë më parë federatat kanë firmosur një peticion për këtë çështje, ku kërkojnë mes të tjerave, që një pjesë e parave që do vijnë nga bastet të përdorën për zhvillimin e sportit.

LEXONI GJITHASHTU:

• PD: Rama e kaloi licencën për bastet në pronësi familjare
• Fidel Ylli: S’kemi terrene për aktivitete, sporti me detyrim në shkolla