“Drejtësi për vrasjen e Liridonës”, aktivistët protestë para gjykatës në Prishtinë

Teksa pritej të niste seanca gjyqësore ndaj Naim Murselit i cili dyshohet se urdhëroi ekzekutimin e bashkëshortes së tij,  aktivistë nga Kolektivi për Mendim dhe Veprim Feminist, organizuan një protestë simbolike në dyert e gjykatës themelore në Prishtinë.

“Nuk ka paqe pa sigurinë e grave”, ky ishte mesazhi që kërkonin të përcillnin gratë dhe vajzat e pranishme në këtë protestë teksa mbanin duar një pankartë të madhe.

Njëra prej tyre, Trina Binaku kërkoi drejtësi për vrasjen e Liridona Ademajt, duke e cilësuar dhunën ndaj grave një fenomen shqetësues në shoqëri.

Vrasja e Liridona Ademajt nga ngjallur reagime të forta në shoqëri, ndërsa kjo protestë nuk do të jetë e vetmja. Aktivistet nga “Kolektivi për mendim dhe veprim feminist” njoftuan se të martën në orën 18:00, në sheshin “Zahir Pajaziti”, në Prishtinë do të organizohet një protestë më e madhe dhe me pjesëmarrjen e qytetarëve.

LEXONI GJITHASHTU:

• Vrasja e Liridona Ademajt, lihet në burg Naim Murseli dhe dy të tjerët
• Marshim në Tiranë për vrasjen e Liridona Ademajt, i bashkohet ambasadori i Kosovës