“Drejtësia foli me prova”, Rama: Im vëlla u përdor si mish për top për të më goditur

Kryeministri Edi Rama përmes një komunikimi për mediat komentoi mbylljen e hetimeve ndaj vëllait të tij Olsi Rama lidhur me çështjen Xibraka pas denoncimi të deputetit Gazment Bardhi.

Sipas Ramës, drejtësia foli me prova dhe vërtetoi se akuzat ndaj vëllait të tij janë vetëm për të goditur kryeministrin politikisht.

“Më në fund, pasi ka pyetur këdo ka parë të arsyeshme dhe ka hetuar gjithçka ka konsideruar të nevojshme, SPAK-u deklaroi se ka arritur në përfundimin që Olsi Rama nuk ka asnjë lidhje me personin e paidentifikuar të dosjes në fjalë dhe nuk ka asnjë provë apo fakt që të lidhë tim vëlla me aktivitetin kriminal. Pra, me fakte e me prova, jo me hamendësime e me fabrikime, është katërcipërisht e qartë, se im vëlla u përdor si mish për top, për të më goditur dhe rrëzuar mua në sytë e opinionit publik”, tha mes të tjerash Rama.

LEXONI GJITHASHTU:

• Olsi Rama pas daljes nga Prokuroria e Posaçme: Dhashë shpjegime për çështjen Xibraka
• Deklaratat e Edi Ramës për dosjen Xibraka, reagon Gazment Bardhi: Boll u fshehe!