Drejtori Blakaj: Për ekspozitën e fëmijëve të vrarë në Kosovë nevojitet më shumë hapësirë

Ekspozita në Prishtinë “Na ishte një herë që kurrë mos qoftë”, e hapur dy vjet më parë, ka nevojë për një hapësirë më të mirë, për më shumë zgjerim.

Kështu u shpreh për emisionin “Mirëmëngjes” drejtori i Fondit për të Drejtën Humanitare, Bekim Blakaj, i cili shtoi se kjo ekspozitë i është kushtuar 1133 fëmijëve të vrarë dhe të zhdukur në luftën e Kosovës.

“Këto hapësira na janë dhënë në vitin 2017 nga komuna e Prishtinës. Ne jemi fokusuar që të bëjnë një ekspozitë në nder të fëmijëve që janë vrarë. Janë 1133 fëmijë që janë vrarë apo zhdukur gjatë luftës”, tregoi ai, teksa shtoi se sendet e të vrarëve janë sjellë në këtë ekspozitë nga familjarët e tyre.

Z. Blakaj tregoi më tej se familjarët kanë qenë të vendosur që kjo ekspozitë të mos mbyllet.

Po kështu edhe interesi i madh nga vizitorët ka bërë që kjo ekzpozitë të mos mbyllet, por të kërkohet një hapësirë më e madhe.