Drejtori i FSB ruse: SHBA, Britania dhe Ukraina janë pas sulmit terrorist në Moskë 

Drejtori i Shërbimit Federal të Sigurisë Ruse, Alexander Bortnikov tha sot se pas sulmit terrorist në Moskë qëndrojnë Shtetet e Bashkuara, Britania e Madhe dhe Ukraina.

Ai deklaroi se Kievi organizoi përgatitjet për terroristët në Lindjen e Mesme, ndërsa vetë sulmi ishte përgatitur nga “islamistët radikalë”, të cilët, siç tha ai, planifikonin t’i mirëprisnin si heronj në Ukrainë.

Ai shtoi se kreu i Drejtorisë kryesore të Inteligjencës së Ministrisë së Mbrojtjes së Ukrainës, Kirill Budanov, është një objektiv legjitim për Forcat e Armatosura të Rusisë, si dhe për të gjithë ata që, siç tha ai, kryejnë krime kundër Federatës Ruse. RIA.

“Kushdo që kryen një krim kundër Rusisë dhe qytetarëve rusë është një objektiv legjitim dhe Shërbimi i Sigurisë së Ukrainës duhet të shpallet organizatë terroriste”, tha Bortnikov.

I pyetur nga një gazetar “pse Budanov është ende gjallë”, kreu i FSB u përgjigj: “Ka kohë”.

Në sulmin e 22 marsit në sallën e koncerteve Crocus City Hall në Moskë, të paktën 139 persona u vranë dhe më shumë se 180 u plagosën.

Organizata terroriste Shteti Islamik mori përgjegjësinë për sulmin.

LEXONI GJITHASHTU:

• Autoritetet në Taxhikistan ndalojnë familjarët e të dyshuarve për sulmin në Moskë
• Putini fajëson islamistët radikalë për sulmin në Moskë