‘Drejtoria e shkollës nuk reagoi’, e ëma e Martinit: Kam besim te Ambasada e SHBA-së

E ëma e Martin Canit ka dhënë një prononcim të shkurtër për Euronews Albania gjatë protestës së mbajtur këtë të mërkurë.

E pyetur për letrën e dërguar Ambasadës Amerikane për drejtësi, ajo tha se nuk ka marrë akoma një përgjigje por që ka shumë besim te kjo e fundit se do të arrijë të zbardhë ngjarjen tragjike.

Gjithashtu e ëma e 14-vjeçarit Martin Cani shtoi se iniciativa për dërgimin e kësaj letre nisi për arsye se nuk mori asnjë mesazh apo reagim nga askush, as nga Drejtoria e shkollës “Fan Noli”.

“Nuk kam marrë akoma një përgjigjie nga Ambasada sepse ka vetëm dy ditë që e kam dërguar, por kam shumë besim. Nuk kam marrë asnjë mesazh nga askush, as nga Drejtoria e shkollës, prandaj kam dërguar dhe letrën Ambasadës së SHBA-së”, shprehet nëna e Martin Canit.

LEXONI GJITHASHTU:

• Del ekspertiza e thikës së përdorur në vrasjen e Martin Canit, 2 profile ADN
• Protestës për Martinin i bashkohet dhe e ëma: Të dorëhiqet ministrja