Bisedime të vështira po vazhdojnë për të zhbllokuar portin ukrainas të Odesës në Detin e Zi për të lejuar eksportin e drithërave si misri dhe gruri.
Që nga pushtimi i Rusisë më 24 shkurt mijëra tonë drithë mbeten të bllokuara në porte.
Por presidenti Zelenskyy thotë se përpjekjet për të zgjidhur problemin po vazhdojnë.
“Ne po zhvillojmë negociata komplekse në shumë nivele për të zhbllokuar portet tona. Por siç e shihni, ende nuk ka përparim. Sepse asnjë mjet i vërtetë nuk është gjetur ende për t’u siguruar kundër sulmeve të mëtejshme ruse”, tha Volodymyr Zelensky, President i Ukrainës.
Zgjidhje të ndryshme po kërkohen duke përfshirë opsionet e tokës nëpërmjet rrugës dhe hekurudhave. Hungaria ka ofruar territorin e saj si një rrugë të mundshme për eksportet e grurit ukrainas.
“Ne kemi ofruar që eksporti i grurit nga Ukraina me destinacion Afrikën e Veriut ose Lindjen e Mesme mund të kalojë përmes Hungarisë dhe gjithashtu mund të japim siguri për kapacitetin e dërgesës dhe kapacitetin logjistik, pa asnjë pagesë”, u shpreh Ministri i Jashtëm hungarez Peter Szijjarto.
Ndërkohë banorët e Kramatorsk në rajonin lindor të Ukrainës, Donbas, po kërkojnë një normaliteti, pavarësisht shqetësimeve për përparimin e Rusisë në drejtimin e tyre.
Qyteti i rrethuar i Severodonetsk është vetëm 50 kilometra larg, por shumë prej tyre edhe pse të frikësuar duan të qëndrojnë në shtëpitë e tyre.
LEXONI GJITHASHTU: