Drogimi dhe dhunimi i 28-vjeçares, reagon policia: U arrestua i dashuri dhe 4 shokët

Policia e Tiranës ka reaguar në lidhje me rastin e vajzës e cila u mbajt peng për një javë dhe u dhunua barbarisht nga i dashuri i saj Gleard Gushollit.

Përmes një deklarate për media, policia bën me dije se menjëherë pas njoftimit të rastit, është shpallur në kërkim dhe është arrestuar 31-vjeçari.

Gjithashtu bëhet me dije se janë arrestuar dhe 4 shokë të 31 vjeçarit, respektivisht shtetasit B. N., dhe A. Sh, për “Veprime që pengojnë zbulimin e së vërtetës”, si dhe për veprën penale “Përkrahja e autorit të krimit”, shtetasit B. K., dhe E. K.

“28-vjeçarja është paraqitur për ndihmë në shërbimet e emergjencës mjekësore me datë 15.04.2023, ku është njoftuar dhe Policia, dhe me marrjen e këtij informacioni, Komisariati i Policisë Nr. 2 ka reaguar menjëherë me profesionalizëm për dokumentimin e plotë ligjor të ngjarjes dhe vënien e autorëve përpara përgjegjësisë penale, dhe ka shpallur në kërkim autorin e dyshuar të ngjarjes shtetasin G. G., 31 vjeç, i cili është arrestuar pak orë pas shpalljes në kërkim.

Policia e Shtetit ka marrë të gjitha masat e nevojshme për sigurimin e jetës së saj, gjatë qëndrimit në spital si dhe jashtë ambienteve të tij, si dhe gjithashtu të familjarëve të saj”, njofton policia.

LEXO GJITHASHTU:

• FOTO| Mori peng 1 javë dhe dhunoi barbarisht të dashurën, kush është 31-vjeçari
• “Më dha drogë, donte të më mbyste”- Dëshmia e vajzës që u mbajt peng nga i dashuri
• Mbajti peng për 1 javë bashkëjetuesen dhe e dhunoi fizikisht, arrestohet 31-vjeçari