Dublini tronditet nga skena të dhunshme, ja çfarë ndodhi gjatë natës në qytet

Dublini u trondit nga skena të dhunshme të enjten, pas një sulmi me thikë në qendër të qytetit, i cili la katër persona të plagosur.

Disa automjete, duke përfshirë një makinë policie, u dogjën dhe njerëzit u përleshën me oficerët deri në orët e vona të mbrëmjes.

Shefi i policisë irlandeze fajësoi “huliganët e drejtuar nga ideologjia e ekstremit të djathtë” për trazirat.

Gjatë natës, situata u shfaq shumë më e qetë dhe policia në kryeqytetin irlandez tha se rrugët tani janë “kryesisht të qeta”.

Transporti publik u ndërpre në pjesë të kryeqytetit irlandez gjatë gjithë natës, ndërsa shërbimi i ambulancës tha se ishte “jashtëzakonisht i zënë”.

Policia më herët deklaroi se një vajzë 5-vjeçare ishte në kujdesin urgjent pas sulmit me thikë. Një grua rreth të 30-tave dhe dy fëmijë të tjerë të moshës pesë dhe gjashtë vjeç u plagosën gjithashtu.

Oficerët thanë se nuk po kërkonin askënd tjetër përveç një burri të përfshirë në incident.

LEXONI GJITHASHTU:

• Sulm me thikë në shkollën në Dublin, mes 5 të plagosurve janë dhe 3 fëmijë
• S’garantuan prezencën e spektatorëve, s’ka ndeshje të Euro 2020 në Dublin dhe Bilbao