Dy burra janë arrestuar në Francë pasi dyshohet se kanë mashtruar disa të moshuar, duke i detyruar ata të paguanin mijëra euro, me justfikimin e asgjësimit të çimka-ve nga banesat e tyre.

Sipas autoriteteve të policisë së Strasburgut, burrat shkonin në shtëpitë e viktimave të tyre, kryenin shërbime të rreme të kontrollit dhe më pas të moshuarit paguanin për produktet e trajtimit. E gjithë procedura kapte vlera nga 300 deri në 2100 euro.

Policia franceze bëri me dije se gjithsej u mashtruan 48 persona, ku shumë prej tyre ishin gra mbi moshën 90 vjeçe.

Pasi mashtruesit vizitonin shtëpitë, duke u shtirur si ekspert shëndetësorë, përdornin spraj aerosol, duke pretenduar se po tymosnin hapësirën.

Para se të largoheshin, ata ofronin një pomadë për të cilën thoshin se do t’i mbante insektet larg lëkurës së njeriut. Pomada ishte në fakt një krem i thjeshtë me aromë eukalipsi. Pas nëntë ankesave zyrtare për mashtrim të dyshuar, policia është detyruar të mbajë nën vëzhgim dy personat, për t’i arrestuar ata teksa dilnin nga shtëpia e një viktime në Strasburg.

Entomologë dhe ekspertë të shëndetit kanë paralajmëruar qytetarët, se pavarësisht shpërthimit të infeksionit, duhet të jenë vigjilent ndaj çdo mashtrimi të mundshëm.

LEXONI GJITHASHTU:

• “Kishte shumë borxhe”, Zeka: Si abuzoi Naim Murseli me emrin e Behgjet Pacollit
• “Naimi është thyer para policisë”- Milaim Zeka: Do dalin gjëra shumë të rënda