Dumani te Ligjet: Sekuestruam 65.5 mln €, 33 ish-zyrtarë të lartë në hetim

Kreu i SPAK, Altin Dumani raportoi në Komisionin e Ligjeve lidhur me punën e institucionit që ai drejton për vitin 2024.

Dumani tha se gjatë gjatë vitit 2024, janë sekuestruar 65.5 milionë euro, një rritje me 60% krahasuar me 2023, duke përfshirë pasuri të paluajtshme, bankare dhe kriptovaluta.

“Gjatë vitit 2024 SPAK ka pasur ndjekjen e rekomandimeve të BE, rezolutës së Kuvendit dhe rekomandimeve prioritare të Këshillit të Ministrave në luftën kundër korrupsionit dhe kriminalitetit. Numri i prokurorëve u rrit në 20, u rritën dhe trajnimet ndërkombëtare. U rritën me 8% çështjet në hetim. Në nëntor 2024 u miratua udhëzimi për masat administrative dhe procedura për kryerjen e hetimit pasuror dhe financiar, që i zhvillon paralelisht me hetimin penal. Gjatë vitit 2024, janë sekuestruar 65.5 milionë euro, një rritje me 60% krahasuar me 2023, duke përfshirë pasuri të paluajtshme, bankare dhe kriptovaluta”, tha Dumani.

Kreu i SPAK theksoi se institucioni që ai drejton ka rritur ndjeshëm numrin dhe cilësinë e hetimeve për korrupsion me 33 ish-zyrtarë të lartë të proceduar.

“SPAK ka zbatuar rekomandimet për luftën  kundër korrupsionit, në kuadër të rekomandimit numër 1 është rritur ndjeshëm numri dhe cilësia e hetimeve për korrupsion me 33 ish-zyrtarë të lartë të proceduar dhe 19 çështje të dërguara në gjykatë”, tha Dumani.

LEXONI GJITHASHTU:

• Sot raportimi i fundit i Dumanit si Kreu i SPAK në Kuvend bashkë Çelën te Ligjet
• Profil/ 4 kandidatët zyrtarë të SPAK, figurat që janë në garë për vendin e Dumanit