“Durimit tonë po i vjen fundi”, NATO paralajmëron Hungarinë

Këshilltari amerikan për sigurinë kombëtare, Jake Sullivan tha se ai dhe homologët e tij të NATO-s e paralajmëruan Hungarinë kundër vonesës së mëtejshme të anëtarësimit të Suedisë në aleancën ushtarake dhe ai paralajmëroi se durimi në Uashington ka kufijtë e tij.

Ligjvënësit nga partia e kryeministrit hungarez Viktor Orbán bojkotuan një seancë urgjente të parlamentit ku ishte planifikuar një votim për të vendosur kërkesën e Suedisë për t’u bashkuar me NATO-n në agjendën legjislative, duke shtuar e vonuar me 18 muaj, vonesë që ka zemëruar aleatët e Hungarisë.

Partia qeverisëse Fidesz, e cila mban një shumicë absolute në parlamentin e Hungarisë, ka bllokuar kërkesën e Suedisë që nga korriku 2022, duke pretenduar se politikanët suedezë kanë thënë “gënjeshtra” për gjendjen e demokracisë hungareze. Partia këmbëngul që kryeministri i Suedisë duhet të vijë së pari në Hungari.

Sullivan tha se ai dhe kolegët e tij i kishin bërë vërejtje Hungarisë duke theksuar se “është një çështje besueshmërie dhe detyrimi që ata të ndërmarrin hapat e nevojshëm” për të përfunduar procedurat parlamentare për ratifikimin e pranimit të Suedisë në NATO.

LEXONI GJITHASHTU:

• Orban nuk e mban premtimin për Suedinë në NATO, bojkoton seancën kur do bëhej votimi
• Anëtarësimi i Suedisë në NATO, “zbutet” Orban: I dërgon letër homologut suedez