Durrës| Organizoheshin lojëra sportive në 4 lokale, 2 në pranga dhe 2 të proceduar

Goditen 4 raste të paligjshmërisë në lojërat e fatit, 2 ne pranga, procedohen 2 të tjerë. Policia e Durrësit ka konstatuar raste të organizimit të lojërave të fatit në 4 lokale.

Gjatë kontrolleve, policia ka vënë në pranga shtetasit me iniciale D. S., 36 vjeç dhe E. H., 61 vjeç, si dhe ka proceduar 2 të tjerë N. Ll., 20 vjeç dhe K. K., 49 vjeç

Të dyshuarit u kapën duke përdorur celularë për të organizuar lojëra fati në ambientet e lokaleve.

4 celularët e përdorur për këtë aktivitet të paligjshëm janë sekuestruar

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.