Durrës/ Organizonin lojëra fati në lokal, arrestohet pronari, procedohen 3 persona

Është vënë në pranga nga policia këtë të enjte shtetasi G. H., pasi lokalin e tij e kishte vënë në dispozicion të organizimit të kundërligjshëm të lojërave të fatit.

Sipas raportimeve, në lagjen nr. 11, në Durrës, ku dyshohet se viheshin baste sportive me celularë, është arrestuan në flagrancë pronari i lokalit, shtetasi G. H., 38 vjeç, banues në Durrës.

Gjithashtu, nisi procedimi në gjendje të lirë për shtetasit B. M., 54 vjeç, D. Z., 47 vjeç dhe M. T., 44 vjeç të tre banues në Durrës, të cilët u kapën duke vënë baste sportive në lokalin e 38-vjeçarit.

Ndërkohë, policia e Durrësit ka sekuestruar në cilësinë e provës materiale 4 celularë.

Materialet procedurale iu referuan Prokurorisë së Durrësit, për veprime të mëtejshme.

LEXONI GJITHASHTU:

• Komunitetet fetare në Shkodër në unison kundër ligjit për barazinë gjinore
• I mori 60 mijë lekë qytetarit për t’i zhbllokuar mjetin, pranga policit në Durrës