Durrës|Grabitën taksistin nën kërcënimin e thikës, dalin fotot e çiftit të të rinjve

Euronews Albania ka siguruar fotografitë e çiftit të të rinjve në Durrës, të cilët kanë rënë në prangat e Policisë, pasi kanë kërcënuar me thikë dhe i kanë marrë një shumë parashë një drejtuesi taksie.

Përmes një njoftimi Policia bën të ditur se të arrestuarit janë arrestuar 26-vjeçari Agron Braha, banues në Durrës dhe 29-vjeçarja Viola Bodlli, banuese në Kavajë.

Ndërkohë materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.

Njoftimi i Policisë:

Durrës-Hipën në një taksi dhe më pas e kërcënuan me thikë drejtuesin e taksisë dhe i morën një shumë parash, falë reagimit të shpejtë të Policisë, identifikohen dhe vihen në pranga autorët e dyshuar.

Policia vuri në pranga një 26-vjeçar dhe një 29-vjeçare, të cilët kërcënuan taksistin me një thikë dhe i morën një shumë parash.

Shërbimet e Policisë, me marrjen e njoftimit se dy shtetas kishin kërcënuar me thikë një drejtues taksie dhe i kishin marrë një shumë parash, menjëherë organizuan punën dhe falë ndërhyrjes së shpejtë dhe profesionale, bënë të mundur identifikimin, kapjen dhe arrestimin e autorëve, konkretisht shtetasit:

– A. B., 26 vjeç, banues në Durrës

– V. B., 29 vjeçe, banuese në Kavajë

Nga hetimet rezultoi se rreth orës 01:00, në lagjen Nr.13, në vendin e quajtur rrethrrotullimi “ILIRIA” në plazh, këta shtetas hipën në automjetin taksi me drejtues shtetasin I. K.

Në momentin që hipën në makinë, shtetasi A.B. dyshohet se kërcënoi taksistin me një thikë, ndërsa shtetasja V.B. i mori një shumë parash që taksisti kishte në makinë (xhiron ditore) dhe u larguan nga automjeti.

Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.

LEXONI GJITHASHTU:

• Ekipi i Argjentinës bie pre e grabitjes para ndeshjes për Lojërat Olimpike
• Vrasje, grabitje e arratisje|Kush ishte Faton Hajrizi, shqiptari që u vra në Serbi